Hindi ko alam kung paano ‘to sisimulan? Hindi ko din alam kung paano ko tatapusin dahil hindi ko pa nga nasisimulan? 

Ayoko talaga magpaka-korny pero para sa’yo susubukan ko, kaya sana hindi mo ko pagtawanan. 

Salamat sa lahat ng pagtyatyaga, pang-unawa at higit sa lahat sa wagas na pagmamahal na lagi mong pinaparamdam sakin at kahit kailan ay hindi ka nawala sa piling ko para suportahan ako sa lahat ng bagay. 

Ang bilis nga naman ng panahon, parang kailan lang noong una kitang nakilala. Payatot kapa noon, medyo maputi, palaaway, layas, mahilig gumimik at kung ano-ano pang kalokohan.

Pero ngayon mataba kana dahil lagi kang busog sa pagmamahal ko, maitim kana dahil sa walang sawa na paghatid at pagsundo sakin, ako na ang madalas mong inaaway at pinagbubuntongan mo ng init ng ulo, tayong dalawa ang laging magkasama pag-gusto natin gumala, tayo din ang magkasama sa walang humpay na gimikan at kung ano-ano pang kalokohan. 

Akalain mo ‘yun apat na taon na ang lumipas nung una kitang nakita nguni’t hindi pa lubos na kilala tapos ngayon isang taon na tayong nagsasama at nagmamahalan pa ng higit pa sa sobra. 

Mahal kita, alam ko naman na alam mo ‘yan at hinding-hindi ako magsasawa na sabihin sa’yo ‘yan araw-araw kahit segu-segundo pa. Lagi ko din naman pinapaalala sa’yo na lagi kang mag-iingat, h’wag ida-daan ang ibang bagay sa init ng ulo laging habaan ang pasensya at h’wag na h’wag mong kakalimutan na mahal kita. 

Mahal kita… Mahal kita.. Mahal kita… 

Maligayang kaarawan sa atin Mahal ko, at walang katapusan pa na kaarawan ang dadaan sa atin.

Mahal kita pauilt-ulit. :’) :*

  1. jaynesantosdelosreyes said: Happy Anniversary! ;) Happy Birthday! ;)
  2. jmtyongco posted this